Rangapahar nung Army recruitment rally agitsü

Dimapur, Metsüremi/March 5 (TYO): Army Recruitment Rally ka Bhagat Stadium, Rangapahar Military Station (Nagaland) nung April 3 nü nungi tenzüka April 6 nü tashi Naga nunger lanurtem kija atema alitsü.
Online ajanga tenüng züngoksemba maparen tenzükogo aser March 18 nü tashi lapoka alitsü. Online ajanga tenüng züngoksemtsü atema www.joinindianarmy.nic.in-i login süang. Candidate shirnoksa taoba mapang nung tenüng züngoksemogo parnoki indang indanga login sütettsü aser parnok maneni iba mapa atema apply asütsü temsüa ali mali aji reprangdanger tanaben apply sütettsü. Army nung adenba ajanga mapa nung tejakleni aotsü, mapa nung temulung süa inyaktsü asoshi, Job Security, rongsenketsüng nung tebilemtsü makai alitsü, lokti nung jenjang tajung ka atema, aser tajangshiba balala den taküm jenjang tajungba akümtsü asoshi maongka agütsür.
Mapa tazüng aliba rongnung Soldier GD (10th mesera 12th std), Soldier Technical (12th Std Physics, Chemistry, Maths & English), Soldier NA (12th std den Physics, Chemistry, Biology & English), Sol Clerk/Store Keeper Technical (12th std den English & Maths/Book Keeping/Accounts, 12th nung compulsory subject), Soldier Tradesmen (8th &10th std simple pass) densema lir.
CEE-i Rangapahar nung April 28, 2019 nü agitsü. Osang tejangjaba atema item phone number; 03862-248845 & 8974958673 nung mapa inyakba anogotem nung 8:30 nungi 2:00 ako tashi nung tongteprateptettsü. Tenüng züngoksemtsü atema tatembangbuba anogoji March 18, 2019 nü asütsü, ta PRO(Defence), Col C Konwer-i sangdong ka ajanga metetdaktsü.