National Handloom Expo ka ayonger

Dimapur, Metsüremi/March 04 (TYO): Nagaland Handloom & Handicrafts Development Corporation Ltd. Dimapur-i March 21 nungi tenzüka April 3 nü tashi National Handloom Expo ka Gurkha panchayat public Ground, Chandmari colony, Opposite Nagaland Govt. Printing Press, Kohima Nagaland nung akatsü asoshi ayongzükogo.
Iba Expo ya Development Commissioner (Handloom), Ministry of Textiles, Govt. of India, New Delhi-i senotsü teyari agüja akatsü.
Iba expo nung shilem agitsü jangraba Co-operative Society, NGO, Apex Society, SHG temi Project Cell, NHHDC Ltd, Half Nagarjan, Dimapur nung application den iba sentong nung shilem agitsüpur passport noksa bener March 18 nü tashi nung office mapang arua apply sütettsü.
Stall tem angati agi lapokdaktsütsü aser stall shia nem Lumpsum Daily Allowances agütsütsü, ta Managing Director, K. Hokishe Assumi-i sangdong ka ajanga metetdaktsü.