Cameron o Miller nem Arnold-i tenüngsang agütsü

Metsüremi/March 06 (Agencies): James Cameron aser Tim Miller na longjema ‘Terminator: Dark Fate’ maparen takok ngua tenzükba asoshi Arnold Schwarzenegger-i tenüngsang agüja liasü.
Taruba Terminator sequel nung tongti shilem agisang Arnold-i, series co-creator Cameron den külemi director Miller napronglai film indang scene tem taoba dang nungi kanga agi tajungba anepalua yangludar aser iba ama telongjem nung maparen tulu nungshia bener otetba asoshi ni kanga pelar, ta ashi.
Miller den külemi inyaktsü asoshi Schwarzenegger-i yongya liasü aser pai ashiba agi, Miller den inyaktsüji jangratemtsüka kechiyong actor tejen aser tasen ajak den pai shisatsü ka sür inyaker aser pa dak nisung atsüa arutsüsa sempet balaka lir.