Meghalaya nung ‘Bah Jyllud’ police ket nungi jena ao

Shillong, March 6 (Agencies): Meghalaya nung ‘massage man’ (Bah Jyllud) ta ajasang David Lyngdoh police ket nungi jena ao.
Tanü pa Shillong nung aliba session court-i anir aotsü atema East Khasi Hills indang Deputy Commissioner office nung yua lia jena ao.
Tanü anüngdang 12:00 ako meta Bah Jyllud (Lyngdoh) jena ao ta osang ajanga ashi.
Bah Jyllud ya küm ana tejaklen Shillong nung apu. Auyaba aser tetsür dak tim mesüi kongshiba onüktem kübok tai tonglokja pa apu.
Pa tanü Nongpoh nungi Shillong-i anir aotsüba liasü saka jena ao.
Bah Jyllud-i police ket nung jena aobaji tang mezüng masü saka küm ishika tejaklen pa check up atema Shillong Civil Hospital-i anir aodang police külakoktsür jena ao.
Pa ya tekolok mait mesüra temulung tulu ozüng alema mapa inyaker ka ta sa züngshia arur. Taoba mapang police-i pa indang motorbike ka apu saka pai ibaji auyatsü atema police station-i ao.