Manipur CM-i PM Modi tenüng asanger

Imphal, March 6 (Agencies): Prime Minister Narendra Modi-i nübortem aser talisa nüngdakbapurtem yaritsü atema alizüng ayuba atema Manipur Chief Minister N Biren Singh-i tenüngsang agütsü.
Modi-i Ayushman Bharat health scheme, Ujjwala scheme ama scheme tasen aika tenzüktsüogo, ta Biren-i ashi.
Taruba Lok Sabha elections nunga Centre nung Modi kübok BJP sorkar akümtsü, ta paisa ashi.
Modi-i foreign policy tajung inyakba ajanga India-i kiralongraba anema inyakba mapa nung alima ajungai posemer, ta Biren-isa shisem.
Yashi Manipur chief minister-i state nung unorganised sector nung inyakertem atema Pradhan Mantri Shram Yogi Maandhan Yojana (PM-SYM) pension scheme tenzüktsü.
Paisa Rs 39.58 crore alang mapatong 19 lapoktsü aser Rs 184.45 crore alang mapatong 28 atema lung azüngtsü.
March 15 nü state sorkar küm ana abensatsü aser tang tashi nung sorkari Manipur nung scheme aika tenzüktsüogo, ta paisa metetdaktsü.