EC-i Lok Sabha election atema anogotem sangdongtsüla: Ahmed Patel

New Delhi, March 06 (Agencies): Congress Party lenir, Ahmed Patel-i, Election Commission of India (ECI)-i Lok Sabha elections agitsü atema anogotem sangdongtsüla; Ato kilonser, Narendra Modi official sentongtem tembangtsü atema parnoki (EC) atar asü, ta asüngdang.
Paisa, state senpong nungi election atema nüboyimtsü atema EC-i sorkar nem maongka agutsür, ta aitsü.
“General Election agitsü atema anogotem sangdongtsü asoshi Election Commission-i Ato kilonser ainlen official sentongtem tembangtsü atema atar asü?,” ta pai asüngdang.
“Yimtenren onük jembitsü atema sorkar sentongtem amshir, TV/radio aser osangkakettem nung yimtenren advertisement sünga adoker. Nüburtem meyong senotsü amshia election nüboyimtsü atema EC-i sorkar nem maongka agutsür ama reprangteter,” ta pai twiatter ajanga metetdaktsü.
Taoba mapang nungbo Lok Sabha election agitsü atema Election Commission-i March ita mezüngbuba hopta nung election agitsü anogotem sangdonga liasü