Rajnath Singh-i CAPFs indang project 28 tenzüktsüogo

New Delhi, March 06 (Agencies): Tanü Union home minister, Rajnath Singh-i Central Armed Police Forces aser tanga central police organisations indang infrastructure project 28 tenzüktsüogo; state 17 nung item projects nungji sen crore 1,900 shi indoktsü.
Tanü Delhi nung ayongzükba sentong ka nung Singh-isa Land Ports Authority of India indang project asem atema lung azüngtsüogo.
Tanü minister-i tenzüktsüba infrastructure projects 28 ji CRPF, BSF, CISF, ITBP, SSB, Delhi Police aser Land Ports Authority of India, NDRF aser Central Forensic Science Laboratory ama central police organisations indang asutsü.
Item projects rongnung non-residential buildings 71, residential quarters 5283, barracks 34 densema lir aser item project nungji sen crore 1,895.28 indoktsü.
State 17- Assam, Kerala, Delhi, Uttar Pradesh, Tamil Nadu, Andhra Pradesh, Maharashtra, Tripura, Bihar, Jharkhand, Madhya Pradesh, Chhattisgarh, Odisha, Telangana, Rajasthan, Haryana aser Uttarakhand state tem nung item project inyaktsü.
Home minister-i, Central Armed Police Forces (CAPFs) ajungkettsütsü atema Central sorkaria mera aika agia inyakogo, aser tesüiba küm pongu kija nunga CAPFs indang infrastructure projects 1773 nung sen crore 12,060 shi lemzüktsüogo, ta metetdaktsü.
Item projects rongnung projects 992 bo renemogo aser tanüngba projects ji taruba küm 2-3 nung renemtsü, ta pai ashi.
Paisa, tesüiba küm pongu tsüngda Delhi police infrastructure projects atema sen crore 1,364.60 lemzüktsü aser item rongnung police stations 21, police posts 10, DCP Offices ana, district lines ka aser housing project ka renemogo, ta metetdaktsü.
Home ministry ketdangser kati, Delhi Police projects ana- Kondli aser Badarpur na asüng semzüktsü, ta metetdaktsü.
Ano arrtsülen infrastructure ajungkettsütsü atema Bihar kübok India-Nepal arrtsülen Integrated Check Posts (ICPs) ana Raxaul aser Jogbani nung nung yangluogo, aser iba project nung sen crore 221.88 shi indok.
Home minister-isa India-Nepal arttsülen aser India-Bangladesh arrtsülen arrtsü anüker sepaitem atema sen crore 66 indoka construction mapa asem yanglutsü atema lung azüngtsü.