Nagaland Commissioner M Patton-i Peshu yim semdang

Kohima, March 06 (TYO): March 5 nü Peshu yimdak Nagaland Commissioner, M. Patton, IAS agizükba sentong agi; iba sentong nung M. Patton-i taruba Lok Sabha election tesünep nung junga agitettsü atema tongtibang osang kar lemsatepa liasü, ta ketdangsertemi metetdaktsü.
Pai nüburtem aser departments dang pei nem lemzüktsüba maparen ochishia inyaktsü aser terenlok atema sorkar den amalitepa inyaktsü ajungshia liasü. Iba sentong nung pai Town GBs aser Area GBs nem sü lema agitsü.
Kasa sentong nung Fisheries & Aquatic Resource, Evaluation and Economic & Statistics Advisor, L.Khumo-ia jembia liasü. Pai Commissioner aser par Team-i sub division atema bilemja inyakba atema pelaba lemsatep. Iba sentong jakdang M.Patton aser par team-i SDO (C) office-a semdang aser DBs & GBs Court Thonoknyu HQ nung senden ka mena liasü.