NSCN/GPRN-i pelaba lemsatep

Dimapur, Metsüremi/March 07 (TYO): Chairman/President, NSCN/GPRN Q. Tuccu aser par kibongi March 05, 2019 nü Nihoto yimdak par kidang tenüngsang agüja sarasadem sentong ayongzükba nung nüburtem aikati arua shilem agiba atema Government of the People’s Republic of Nagalim (GPRN)-i pelaba sangdong ka ajanga metetdaktsüogo.
Tribal hoho balala, civil society organization, temulungertem aser NSCN nungi lennirtem aikati iba sentong nung arua shilem agiba ngua pelaba parnokisa metetdaktsü. Maneni GPRN puri Chairman aser pa lennisüba aser Naga linük asoshi temoatsü meshia saradsademtsüba atema pelaba metetdaktsü.
Mendenpuba tasenba nem khuret tulu nungloktsüogo aser nüburtem ajaki pa nungita yaritsü imlar. Naga nunger yimden yimsüsüba tsütsü mesüngjemteti aliba mapang ka nung Tsüngremi Naga nungertem tali moajang, ta MIP, GPRN sangdong ka ajanga metetdaktsü.