Assam Rifles-i prangbong injang apu

Dimapur, Metsüremi/March 07 (TYO): Osang tejangja ka angazükba sülen HQ IGAR (North) kübok Assam Rifles Dimapur Battalion puri west police station nungi sepaitem den külemi Dimapur nung Sematilla kiyong March 4 nü meita oa liasü.
Temulung melemi bilemba ki ka meita aoba mapang ozüng alema prangbong injang yua aliba ngua nisung ana apu. Aija alir ana ya Sematilla nung alir Henivi Chishi’er jabaso Honito Chishi (küm 41), NSCN (K) aser Mathea, Jorhat (Assam) nung alir Lasto Chishi’er jabaso Puloto Chishi (küm 28) na ta jangjaogo.
Security personnel aser police temi parnok ket nungi Pt 22 pistol ka den magazine aser injang 6, pt 22 rifle indang 04 fired case, wireless radio set ka den charger, Bushnell telescopic sight aser mobile phones 5 den sen 76,150 apu. Iba ken o nung aija apurtem den parnok ket nungi ngutetba prangbong injang aser osettem Sub-Urban Police Station, Dimapur ket nung bendanga agütsüogo, ta ketdangser sangdong ka ajanga metetdaktsü.