Bollywood Actor rongnung Preity Zinta-i mezüngbuba la indang GIFs sayaogo

Metsüremi/March 8, 2019 (Agencies): Nisung ajaki pei yimya nung parnok aliba digital metetdaktsütsü merangba mapang ka nung actress Preity G Zinta-i la indang gifs sayatsü asoshi telemtetba agiogo. Zinta ya Bollywood actor tem rongnung pai indang GIFs sayar mezüngbuba kümogo. Preity-i iba osang ya la indang fan tem dang International Women’s Day salem lemsatepba mapang metetdakja liasü.
Preity Zinta-i Twitter nung yamai zülutsü: “@GIPHY nung kü indang Gifs tem sayaba nenok den pelashishia lemsateper, anungji nenokia reprangdangang. Nenoki text asüba mapang PZ makeover ka agütsütsü renema liang,” ta lai tweet asü.
Preity G Zinta shibai GIPHY nung la indang verified profile ka lapoka lir lai expressions balala aketba GIFs 58 sayaogo aser item GIFs tem tang tashi nung 10 million views bo jungadokogo anungji iba ajanga nüburtemi kanga junga agizükba sayur.
Preity shiba tatemsa Sunny Deol den külemi ‘Bhaiyyaji Superhit’ film nung shilem agiba nguogo, la taruba IPL atema renemshiba mapang ka lir. La ya King XI Punjab team co-owner lir. Gene Goodenough den 2016 küm kibong maküm tsüngda lai media nungi pilaa alitsü telemtetba agi aser mapang timbaka bendanglen dang alir. Ajisüaka Preity indang fans temi la film nung shilem agiba reprangtsü asoshi 2020 küm ‘Helloo India’ mesaya tashi atatsüsa akümtsü.