Tripura police-i phensedyl bottle 800 apu

Agartala, March 8 (Agencies): Tripura nung miim osang ka nung ajemdaker Amtali police-i ki ka mita aodang Bangladesh-i bener aotsü yua aliba aket mozü aika apu.
Sub-divisional police officer (SDPO) Ajay Das lenisüba kübok police telok kati SIPARD anasa kiji mita ao.
“Osang angazükba ama onoki Jahar Mia ta ser nisung kar ki mita ao. Pai Bangladesh-i ozüng alema mozü kar shibelentsüba liasü, pa jena orr liasü saka pa kinungtsü lia onoki phensedyl pongdang 800 shi ngutet” ta Das-i ashi.
Mozü indang jenjangji Indian market nung Rs 70,000 dak tema alang lir.
Osang ajanga ashiba agi phensedyl bottle indang jenjangji Bangladesh nungbo India jenjang dang nungi punguben mesüra tenetben tur ayoker.
Iba ki kibur anema Narcotic Drugs and Psychotropic Substances (NDPS) Act, 1985 kübok ken o ka benokogo.
Yaküm October ita West Tripura district police-isa ‘Escuf’ ta ajaba aket mozü pongdang 2590 apu. Iba dak sendakba nung Bishalgarh nungi Prantosh Paul ta ser nisung ka apu.
Iba osang ya Superintendent of Police (SP) of West Tripura district, Ajit Pratap Singh-i metetdaktsü.
Mozü pongdangtemji gari ka nung miima bena liasü aser Bangladesh-i bener oa ayoktsüba liasü, ta paisa ashi.
Paul dang asüngdangya asüdang osang angazükba nung ajemdaker police-i Bishalgarh nung ki ka nungi sen lakh 6 ngutet.
Iba maparen ya Sub-divisional police officer (SDPO), Mohanpur lenisüba kübok inyak.