Congress-i Women’s Reservation Bill agizüktsü

Guwahati, March 8 (Agencies): Taruba Lok Sabha election nung Assam nungi Silchar MP Sushmita Dev-i Silchar constituency nungi tokteptsü atema March 8, 2019 nü shimba osang jangjaogo.
Tanü lai ashiba agi Congress-i sorkar kümra Women’s Reservation Bill agizüktsü.
International Women’s Day indang osang lemsatepdang Dev-i Twitter nung India Prime Minister Narendra Modi-i Women’s Reservation Bill atema tetsürtem ashioktsüba aitsü.
“Bharatiya Janata Party (BJP) indang election manifesto nung iba bill agizüktsü nangzük saka PM-i India nung tetsürtem ashioktsü” ta lai ashi.
Congress-i tetsürtem tashi itdaktsütsü ta Dev-isa nenshia metetdaktsü.
“International Women’s Day nung onoki tetsürtem tashi itdaktsütsü. Tetsürtemi pei ajungba aser inyaktetba jungjunga sayuogo. Linük ka ama asenoki tetsür nem wadang ajak nung maongka kasa agütsütsüla” ta laisa ashi.