PRISM-i UN dangi CAB atema teyari meshir

Aizawl, March 8 (Agencies): Mizoram nung People’s Representation for Identity and Status of Mizoram (PRISM)-i United Nations dang Citizenship (Amendment) Bill ya Act ka mekümdaktsütsü atema mapa inyakang ta mepishi.
UN Special Rapporteur dangi shidi ka züluba nung PRISM-i “iba bill agizükra Mizoram nung alirtem atema lendong aika ajurutsü, kechiyong UN-i onok lisopurtem ta züngoka lir” ta shia lir.
Iba bill ya Mizoram nung aliba lisopurtem indang temeten ajembangtsü atema inyakba mapa ka lir, ta parnokisa ashi.
India-i United Nation Declaration on the Rights of Indigenous People (UNDRIP) nung sign süa lir saka Centre sorkari iba alema mapa inyaktsü meranger, ta PRISM-isa metetdaktsü.
Iba shidi ya PRISM-i Special Rapporteur-cum- chairman of the working group on the rights of indigenous people, Victoria Tauli-Corpuz dangi zülu.