Womens Day nung tetsürtem atema MoU ka sign süogo

New Delhi, March 08 (Agencies): International Women’s Day anogomong nung tanü New Delhi nung Women & Child Development Ministry aser Skill Development & Entrepreneurship Ministry nati tetsürtem nem skills training aser mapa agutsütsü atema MoU ka sign süogo.
WCD Union Minister Maneka Gandhi aser Skill Development Minister, Dharmendra Pradhan na lia ministry anati tezüngzüktep agi.
MoU sign asüba sülen Maneka-i, “Rastriya Manila Kosh (RMK) ajanga MCD Ministry-i tetsürtem pei sasa mapa nung atongoker sen aazüktsü asoshi skills tapet jangjatsü,” ta metetdaktsü.
Ano Pradhan-ia, iba tezüngzüktep agiba ajanga tetsür meyirjang aika nem taining agutsütsü aser peisasa mapa angutsü, ta ashi.
Skill Development Ministry-i iba dak sendakba osangtemji WCD Ministry nem agutsütsü, ta paisa metetdaktsü.
WCD Ministry-i RMK ajanga training agir alir tetsürtem yaria parnoki züsentetba/yanglutetbatem ayoktsü atema Mahila e-haat platform agutsütsü, ta tezüngzüktep nungji shia lir.
Ministry ana tenüng nung RMK aser National Skill Development Council nati iba maparenji benoka inyaktsü, aser iba tezüngzüktepji küm asem atema asütsü, ta Maneka Gandhi-isa metetdaktsü.