Pangnyu-i Nagaland medical college semdang

Kohima, March 8 (TYO): Health & Family Welfare Minister S. Pangnyu Phom-i tanü Kohima nung Nagaland Medical College yangluba tesem semdang.
Pai mapa inyakba reprangdanga aoba sülen temulung asüba ashi aser Engineering wing o contractor dang 2020-21 tashi nungbo college lapoktettsü atema mapa inyaktsü ayongzük.
Iba mapa nung Department aser Nagaland sorkari akokba tashi teyari agütsütsü ta Minister Pangnyu-isa nangzük.
Department-i mapang shitak nung senotsü agütsütsü ta paisa ashi aser Engineer dang mapang shia mapa inyakba reprangtsü atema tuyu.