Republican Party of India (A) Nagaland Unit ketdangpurtem shim

Dimapur, March 8 (TYO): Republican Party of India (A) Central Office-i Nagaland Unit ketdangpurtem shimogo.
RPI (A) indang National General Secretary aser Election In-charge, Dr Mohan Lal Patel-i state president inyaktsü atema I. Chubatangit Jamir shim.
RPI(A) North East In-charge & National General Secretary Vinod Nikal aser Election In-charge, Dr Mohan Lal Patel na tsüngda metetpelatepba nung timtem kar ajanga Nagaland nung RPI (A) unit tentettsü atema mangatettep kar liasü saka National President indang office nung iba onük angatettep, ta Dr. Mohan Lal Patel-i sangdong ka nung ashi.
Minister of Social Justice and Empowerment Ramdas Athawale lia mangatettep aketba onükji angatettep aser RPI (A) Nagaland Unit nung Nagaland Unit Executive aser Active Members-i ashiba ama Nagaland Unit President I. Chubatangit Jamir nem appointment order agütsü, ta Dr. Mohan-isa ashi.