Mkg DC-i Voter helpline atema sangdonger

Mokokchung, Metsüremi/March 09, 2019 (TYO): Mokokchung Deputy Commissioner aser District Election officer, Rajesh Soundararajan-i sangdong ka ajanga, Election Commission of India-i tuyuba ama taruba Lok Sabha General Election atema district Contact Centre-i State Contact Centre den tsüngsü medema inyaktsü, ta metetdaktsü.
Contact Centre ji Universal number ka nungi inyaker, aser ibaji 1950 lir, koba dang “Voter Helpline” ta ajar, anungji Mokokchung District nung aliba senso ajak dang election dak sendakba osangtem metetpelatsü atema “Voter Helpline” number 03691950 amshitsü metetdaktsür, ta kasa osang ajanga metetdaktsü.