Zoe Saldana-i ‘I Kill Giants’ nung shilem agitsü

September 13, 2015: Actress Zoe Saldana-i “I Kill Giants” nung tongti shilem agitsü atema sign süogo, iba film ya Joe Kelly-i züluba kaket nung ajemdaker yanglu aser illustrator Ken Niimura lir.
Film otsü nung tetsür chanu ka tenüng agi Barbara-i shitakba mojing mesükbatem aser lai bilemba mojingtem den raratsü, ta Deadline osang ajanga ashi.
Arishi küm 37 ‘Guardians of the Galaxy’ star Zoe-i Molle ama shilem agitsü. Lai school nung psychologist ka shilem agia Barbara timtem nung yaritsü aser ibaji ajanga tena tesentaktep junga akümtsü.
Barbara shilemji Madison Wolfe-i agitsü.
Molle shilem atema actress 500 rongnung Zoe shimogo.
Kelly-i züluba film ya Anders Walter-i direct asütsü aser iba film 2016 küm tetenzüklen nungi tangok tenzüktsü.
Tawa Saldana-i Mark Raffalo den külemi ‘Infinitely Polar Bear’ film nung shilem agiogo aser kobi melii “Star Trek Beyond” nunga shilem agitsü.