China-i ‘communication satellite’ amenogo

Beijing, September 13 (Agencies): China-i tongtepratep satellite ka tetendangtsü asoshi yokba kanga takok ngua anünglak nung amenogo, ta Deobar nü media-i metetdaktsü.
Iba satellite ya Sichuan Province nung aliba satellite kahkettsüba tesem, Xichang nungi Long Mach 3B rocket ajanga Honibar nü kahketja liasü.
Iba satellite ya ajanga broadband tongtepratep nung ‘Ka frequency band’ inyakyim tendangba nung yaritsü.