O, Nüngdak Chiyongtsü

“Nisungi am tesa agi taküm malir, saka Tsüngrem bang nungi adokba O shia agi taküm alir.” Mathi 4:4
Amtsük meteni taküm alitsü Tsüngremi mulungra Yisua amtsük meteni anogo lir (40) taküm ali, saka asenoki Tsüngrem O meteni taküm alitsü makok. Iba O jagi asenok yanglu aser ibai ajanga dang asenok taküm alir, kechiaser Pa O ain ajanga dang Pai ajak kümzüka ayu. Amtsükji tanabuba kuli ang lir, asenok taküm lidaktsübaji mezüngbuba Kibuba lir. Chiyongtsü metenia Pai inyaktsü akok; taküm lidaktsütsü akok. Asenoki tanguba oset nung kanga meranglokli saka manguba Tsüngrem dak ranglokdi. Kodang kanga sensakdir, kodang chiyongtsü makai kümdir tayaba ajema akümer ta ashi, ano kari ashir kodang chiyongtsü makai kümdir, meyimla teyari Kibubai yoker.
Saka asenoki Kibuba Oji akatsüla. Iba kisüng den dang asenoki temenen nokdangtsü akok. Ibai asenok nungi agienang, aser tsükchir tashi-i asen madak takok angutsü, kechiaser asenok yakta lulatsü. Asenok tanela chiyongtsü nüngdak aser parnok asoshi Tsüngrem O nungi pilar tanga chiyongtsü mali. Alima nung kaket ajak aser sayutsüngir ajaki asenok tebang asüngtsü tongmelang chiyongtsü ka agütsütsü makok; Tsüngrem O agidang tamangertem tebang süngtsütsü akok. Kibuba onok nem iba chiyongtsü teti agüjang. Onoki ibai ajak dang temaba züngshir.
Kibuba, Ne O meimtsü, angazüktsü aser benshitsü onok dang yariangma. Amen.