Political party & civil society workshop ka Mon nung agi

Dimapur, Metsüremi/March 13 (TYO): DC & DEO Mon, Thavaseelan K, IAS-i achaayanga March 13, 2019 nü DC Conference Hall Mon nung Model Code of Conduct, Election Expenditure Monitoring, Information Technology application aser electoral inyakyim dak sendakba nung political party aser civil society tem atema orientation meeting aser workshop ka agiogo. Thavaseelan lenisüba kübok iba senden agi aser paisa C.Vigil, VVPAT aser EVM inyakyim sayua liasü.
Mon ADC HQ Hiazu Meru-i Expenditure Monitoring, Model Code of Conduct, MCMC aser Information Technology dak sendakba nung tangazükba balala agütsü.
Sentong nungsa SDO Phomching aser Nodal Officer EEM Mon, James T. Khulu Tikhir-i candidate tem indang C.Vigil aser Expenditure Monitoring onük dak ajemdaker jembi.
Iba senden ya Mon district kübok political party aser civil society ajak nem election inyakyim tejangjaba angatetdaktsütsü aser taruba Lok Sabha Election nung IT application amshiyim sayutsü atema ayongzük, ta ketdangser sangdong ka ajanga metetdaktsü.