Political Party tem den CEO senden amen

Dimapur, Metsüremi/March 14 (TYO): Taruba Lok Sabha aser Nagaland 26- Aonglenden AC election atema CEO, Abhijit Sinha, March 14 nü political party ajak den senden ka menogo.
CEO-i political party nungi lenirtem dang election nung sen indokba tapu balala, election nung sen indokba dak sendakba nung disqualification tem, sen indokba indang temzüng ozüng kübok tetuyubatem, kechiba sen indokba azüoktsü nüngdaker aser ozüng raksar alirtem election nung toktepba indang temetettsütem metetdaktsü.
Kasa senden nung tanga ketdangsertemi party nung inyakertem dang paid news, MCMC, Suvidha aser cVIGIL dak sendakba nung tangazükba balala agütsü. Political party balala nungi züngsemtem iba senden nung aden aser Nagaland Commissioner, M. Patton, Additional CEO, N.Moa Aier aser CEO den sensaksema liasü, ta ketdangser sangdong ka ajanga metetdaktsü.