PDA-i Lok Sabha aser bye-elections atema candidates sangdong

Dimapur, Metsüremi/March 14 (TYO): Nagaland nung ruling People’s Democratic Alliance (PDA)-i taruba Lok Sabha election aser Mokokchung district kübok 26-Aonglenden (ST) assembly constituency bye-election nung tokteptsü atema candidates tenüng sangdongogo; iba election ya April 11, 2019 nü agitsü.
Official süa candidates sangdongba aser candidates anaprong nem party ticket agutsüba sentong tanü agiogo.
Tang Lok Sabha MP teinyakdak, Tokheho Yepthomi nem Lok Sabha menden atema tang agi tanabenbuba ticket agutsüogo.
Ano 26-Aonglenden assembly constituency bye-election atema advocate, arishi küm 38, Sharingain Longkumer nem ticket agutsü. Iba constituency ya Sharingain tebu, asür Nungshizenba Longkumer kümsük pezüben tashi adokba menden lir.
Yaküm September 22 nü MLA, Imtikumzuk alima nungi pilaba ajanga iba menden atema bye-election agitsüsa akum.
Candidate anaprongla ya PDA teloktep nung dena aliba Nationalist Democratic Progressive Party (NDPP) nungi lir.
PDA teloktep nung dena alirtemji Nationalist Democratic Progressive Party (NDPP), Bharatiya Janata Party (BJP), Janata Dal (United) aser National People’s Party (NPP) lir.
Tanü iba sentong nung jembidang Chief Minister, Neiphiu Rio-i, “Tang asenok sorkar bangdak nung lir, anungji PDA-i shimba candidate-i election nung takok angutsü maongka lir,” ta ashi.
Paisa, “Election ya takok angutsü atema dang masü saka vote aika ngua takok anguba ajanga asenok jenjang sayutsü nüngdak,” ta ashi.
PDA chairman, Chingwang Konyak-i PDA teloktep nung dena alirtem dang candidates shimba atema pelaba lemsatep.
Paisa, asenok melung sür malitsüla saka longjemer kanga meranga inyaktsüla, ta ashi.
Teloktep nung dena alirtem NDPP, BJP, JD(U) aser NPP nungi lenirtemi akokba tashi shima aliba candidates yaritsü ta lemsatepogo.