Mon DPDB senden nung aspiration block Tobu shim

Mon, Metsüremi/March 15 (TYO): Ita shia amenba Mon District Planning and Development Board senden tanü Mon DC conference hall nung menogo, aser iba senden nung Mon district atema aspiration block ji Tobu asütsü ta sangdongogo, ta ketdangsertem osang ka ajanga metetdaktsü.
Senden nung Mon Deputy Commissioner, Thavaseelan K, IAS-i tang posting tasen arur ketdangsertem pelaa agizükj aser board züngsemtemi tang tasen akumba yim, L.Mongnyu yimdak Health Care Centre ka amenoktsü atema benoktsü lemtet.
Mon DC aser District Election Officer-isa taruba Lok Sabha elections atema tongtibang nüngdaktem metetdaktsü aser ketdangser ajak dang aini moui pei aliba tesem nung alitsü tetuyuba agutsüogo.
Shilem asem küma lemsar training agitsü, ta paisa metetdaktsü.
Senden nungsa ADC Mon HQ, Hiazu Meru-i taruba Lok Sabha election atema MCMC indang metetdaktsü.
General Secretary Konyak Union-i Aoleang benjung amongtsü aliba aser iba dak sendakba sentongtem indang metetdaktsü.
Chief Medical Office Mon, Dr. Kechongol Sophie-ia March 10 nü Polio immunization takok ngua agitetba atema pelaba lemsatepa liasü.