CPM-i aniba Left Front-i LS election atema candidates 25 sangdong

Kolkata, March 15 (Agencies): Tanü CPM-i aniba Left Front-i West Bengal nung taruba Lok Sabha election atema candidates 25 sangdongogo.
Tanü sangdongba menden rongnung Raiganj aser Murshidabad menden densema lir; tang menden ana nungi MP ya Communist Party of India (Marxist) nungi lir.
CPM-ibo tamalen iba menden ana atema candidates sangdongogo.
West Bengal nung Parliamentary menden 42 lir. Tanü menden 25 sangdongba sülen tanüngba menden 17 nungjagi Left Front mesüra Congress-i tokteptsü, ta Left Front chairman Biman Bose-i metetdaktsü.
“Menden kar nungbo Congress aser Left Front napronglai kasa candidates pusemtsü,” ta paisa metetdaktsü.
CPM aser Congress Party nati state nung menden lemsateptsü melungtepogo.
Taruba Lok Sabha election nung tang mezüng vote agütsütsü atema temsüa alir timtibaji West Bengal state lir.
Election Commission of India osang ajanga ashiba agi, West Bengal nung tang mezüng vote agutsütsüpur nisung lakh 20.1 lir.
Taküm Lok Sabha election nung voters taliji crore 8.4 asütsü aser item rongnung arishi küm 18-19 lanur nisung crore 1.5 densema lir.
Lok Sabha election ya shilem tenet küma lemsar April 11 nungi tenzüka May 19 nü tashi agitsü aser May 23 nü votes azüngtsü.
West Bengal nung anogo tenetnü election agitsü.