VVPAT slips dak sendakba nung SC-i EC dang telangzüba meshir

New Delhi, March 15 (Agencies): Lok Sabha election osang mesangdongdangyongi constituency shia nung EVMs shilem 50 indang Voter Verifiable Paper Audit Trail (VVPAT) slips azüngtsü atema opposition party temi akhangba dak sendakba nung tanü Supreme Court-i Election Commission dang nungi telangzüba meshi.
Chief Justice Ranjan Gogoi-i aniba bench-i March 25 nü opposition party temi agutsüba temepishiba ken o angadangtsü, aser parnokisa EC dang ketdangser ka okadaki yoktsü metetdaktsü. Iba bench nung züngsem anaji justices- Deepak Gupta aser Sanjiv Khanna na lir.
Andhra Pradesh Chief Minister Chandrababu Naidu, Delhi Chief Minister Arvind Kejriwal na densema opposition party aika nungi lenirtemi Supreme Court dang Lok Sabha election osang mesangdongdangyongi Voter Verifiable Paper Audit Trail (VVPAT) slips shilem 50 azüngtsü mepishi.
Taküm February ita nung Naidu-i, EVMs amshiba anema opposition party temi court nung temepishiba ken o ka agutsütsü, ta metetdakja liasü.
SC nem temepishiba agutsür party temji Congress, Nationalist Congress Party, AAP, CPM, CPI, Trinamool Congress, Samajwadi Party, Bahujan Samaj Party, Rashtriya Lok Dal, Loktantrik Janata Dal aser Dravida Munnetra Kazhagam (DMK) lir.