Pughoboto ADC-i training atema sangdonger

Pughoboto, March 15 (TYO): ADC & DEO Pughoboto, K. Mhathung Tsanglao-i Lok Sabha election atema polling personnel shima aliba ketdangsertem aser staff tem dang training nung medema adentsü metetdaktsü.
Presiding Officer & 1st Polling officer, 2nd & 3rd Polling Officer aser Grade IV atema training ji March 20, 2019 anepdang 10:00 ako nung DB Court, ADC office aser Town hall tesemtem nung agitsü. Office-i tentetba Medical Board-i March 18-19 anogotem nung agizük mesüra sodi magutsütsü, ta kasa osang ajanga metetdaktsü.