Mon DC-i LS election atema osangbenertem den mensen amen

Mon, Metsüremi/March 15 (TYO): March 14, 2019 nü District Election Officer aser Assistant Returning Officer Mon, Thavaseelan K, IAS-i pa indang office akdang nung taruba Lok Sabha election atema renemshiba dak sendakba nung osangbenertem den menden ka ayonga menogo, ta ketdangsertem osang ka ajanga metetdaktsü.
Thavaseelan-i, flying squads mapa tenzükogo aser kobi melii static surveillance teams mapa tenzüktsü, ta metetdaktsü.
Thavaseelan-isa, Mon district nung olling station 237 lir aser item rongnung Polling Stations (PS) 93 bo P-2 kübok lir; PS-2 ya district telung nung alirtem lir aser election agitsü anogo ana jelia polling personnel tem iba atesem jagi aotsü, ta metetdaktsü.
Paisa C-VIGIL App mesüra Vigilant Citizens indang metetdaktsü. Iba ya mobile application ka lir aser iba app ya Google play store nungi download sütettsü. Iba app ajanga Model code of Conduct alema inyakba aser election mapang sen teindokba dak sendakba tashishiba osang agutsütettsü.
Iba app ajanga live photo/video den tesem osang agutsütettsü aser mapang shidak nung flying squads-i osang ngua inyakatettsü, ta paisa shisem.
DC-i Voter Helpline App indanga metetdaktsü, kong sensotemi electoral roll nung pa/la indang voter osang metettsü aser enrollment application osang agitettsü.
Pai ashiba agi, teshimtet polling station kar nung live web camera inoktsü, aser ibaji election junga agitettsü atema lir.
Paisa EVMs, paid news/advertisements mita reoprangba, social media nung advertisement aser polling personnel training sentongtem osang metetdaktsü.