Kiphire DC-i polling officers training atema sangdonger

Kiphire, March 15 (TYO): Kiphire Deputy Commissioner, M. Shayung Phom, NCS-i sangdong ka ajanga Nagaland Parliamentary Constituency Lok Sabha election atema Presiding & Polling Officers training asoshi sangdongogo; item training ya shilem lemsar agitsü, ta ketdangsertem osang ka ajanga metetdaktsü.
Presiding Officers & 1st Polling Officers atema mezüngbuba training shilemji March 18, 2019 nü Hopongkyu Hall Kiphire nung anepdang 9:30 ako nungi agitsü aser 2nd & 3rd Polling Officers atema training ji March 20-21, 2019 anogotem nung Government High School Kiphire nung anepdang 9:30 ako nungi agitsü.
Presiding Officers & 1st Polling Officers atema shilem tasembuba training ji March 25-26 anogotem nung Hopongkyu Hall nung anepdang 9:30 ako nungi agitsü aser Polling Officers ajak atema shilem pezübuba training ji April 5-6, 2019 anogotem nung anepdang 9:30 ako nungi Government High School Kiphire nung agitsü.
DC-i Office ajak nung tekolakpurtem dang parnok kübok ketdangsertem aser staff tem ajungshia training nung adentsü asoshi yoktsü metetdaktsü. DC-isa, item training nung madenertem nem Representation of people Act 1951 kübok Arrla 134 nung ajemdaker temerenshi agutsütsü, ta metetdaktsü.