Northeast India Fashion Week 2019 Model Audition takok ngua agiogo

Dimapur, Metsüremi/March 16 (TYO): Dimapur jila kübok Naharbari Junction anasa Magazine Partner “The Northeast Window” nung March 16, 2019 Honibarnü 4buba Edition Model Audition sentong takok ngua agiogo.
Taruba fashion week sentong ya “Khadi Movement” omen nung ajemdaker agitsü aser audition mapang Nagaland tesem balala nungi model temi shilem tajung agia liasü.
Yashi audition nung shimtetter model temji Northeast India Fashion Week sentong nung shilem agitsü.
Iba sentong ya Hotel Acacia Dimapur nung April 26 nungi 27, 2019 nü tashi ayonga agitsü renema lir.
Audition sentong nung tetendangertemji – fashion designer Menty Jamir, Gloria Ovung aser Fashion Model, Opang Jamir liasü.
Northeast India Fashion Week 2019 sentong audition atema Spirit Adventure, Ayursundra Super specialty Hospital, Yana in style, Glitz Edge aser The Northeast Window nungeri senotsü agi nungitta liasü.
Maneni, designer temi registration asütsü atema March 25, 2019 nü tashi lapoktsütsü aser design tsütsü tejangrartemi ph no – +91-8761804768 mesüra email: northeastindiaf-ashionweek1@gmail.com ajanga tongtepratepang.