Kovind-i nisung 54 nem Padma awards agutsü

March 16, 2019 nü New Delhi nung Tir, Ram Nath Kovind-i Mahashian Di Hatti (MDH) kibur, Dharampal Gulati nem Padma Bhushan award agutsüba noksa nung angur.

New Delhi/Metsüremi, March 16 (Agencies): Tanü New Delhi nung linük Tir, Ram Nath Kovind-i nisung 54 nem Padma awards agutsüogo, award angurtem rongnung scientist, S. Nambi Narayanan aser actor, Manoj Bajpayee na densema liasü.
Taküm Republic Day atongtsü anogo ka lia Padma Awards atema lenla balala nungi nüngtugu nisung 112 tenüng sangdonga liasü. March 11, 2019 nü nisung 47 nem iba awards agutsüba sülen tanü tanüngba nisung 54 nem Padma awards agutsür.
Tanü Darbar Hall, Rashtrapati Bhavan nung item awards lema agutsü aser iba sentong nung Ato kilonser, Narendra Modi, Union Home Minister Rajnath Singh aser cabinet minister tem- Harsh Vardhan, Rajyavardhan Singh Rathore aser Vijay Goel nunger densema liasü.
Tanü award angurtem rongnung folk kentener, Teejan Bai, Larsen aser Toubro Chairman Anil Kumar Naik, Rashtriya Swayamsevak Sangh lenir Darshan Lal Jain, MDH tentetsang aser CEO, Mahashay Dharam Pal Gulati, tabla atemer nüngtugu, Swapan Chaudhuri, taoba mapang RSS osangkaket “Panchjanya” nung yimobilem zülur, Devendra Swarup aser Ladakh nungi doctor, Tsering Norboo nunger dena liasü.
Award angurtem rongnungsa photographer Anup Shah, süngo ayoker, Devarapalli Prakash Rao, social worker Droupadi Ghimiray, Dogri sangro zülur, Narsingh Dev Jamwal, kaketkeno zülur Joraversinh Danubhai Jadav aser organic aluyimer, Kanwal Singh Chauhan nunger densema liasü.
Taküm iba awards atema nominations 50,000 aguja liasü. 2014 küm nungbo iba awards atema nominations 2,200 dang agüja liasü.