Kenezou colony nung jang lema agutsü

Kohima, March 16 (TYO): Yimtsüngtem, talisa rongsenkettsüng aser shisaliok nung atsüngzüka aliba yimtsüngtem ajungkettsütsü nükjidong nung 10th Northern Angami-I A/C kübok Kenezou colony atema Ward Adoption committee-i “We Care” omen nung aemdaker March 15, 2019 nü Kenezou colony Kohima nung sentong ka ayongzüka jng aser shini lemtsüogo, ta ketdangsertem osang ka ajanga metetdaktsü.
Kohima DPDB küm, piyong sentong dak snedakba nung iba sentong ya 10th Northern Angami-I A/C MLA, Khriehu Liezietsu-i ayongzüka aser sponser süa katsüogo.
Sentong tatsüka agia colony nung tantsü-tambuatem, matamabensartem aser amitsürtem nem jang aser shini lema agutsü.
Ward Adoption Committee Convenor, Shaying Sheu-i, iba ama snetong ayongzükba tongtibangba nükjidongji colony nung kanga sensakertem jangjateta tangar menepdaktsütsü atema lir, aser ‘onoki nenok atema bilemtsür’ ta oang proktsü atema lir, ta metetdaktsü.
Iba sentong takok ngua agitetba atema committee-i colony nung alirtem dang pelaba metetdaktsü aser parnoki DPDB mapatongtem nungita aruba atema pelaba lemsatep.