DEF Kohima-i SP mozü 23,400 apu

Kohima, March 16 (TYO): March 16, 2019 anepdang 10:00 ako meta DEF Kohima indang Mobile Unit-i Teichuma village area nung MVCP amenoker garitem mita reprangdang registration number NL01 H 3984 (swift dzire) gari nung ozüng agi memelaba Spasmo Proxyvon capsuale 23,400 apu; ibaji market nung sen 173250/- jenjang asütsü, ta tanü PRO DEF, Kohima sangdong ka nung metetdaktsü.
Iba dak sendakba ken o nung tang South Point colony, Zunheboto nung alir aser Natha yim nungi Kiheshe Yeptho’er jabaso arishi küm 26, Inapu Yeptho apu aser bushisüngdangtsü atema NDPS Act kübok ken o ka benokogo, ta kasa sangdong nung shia lir.