MSHSSK puri sarasadema among

Kohima, March 17 (TYO): Tanü Chakhesang Baptist Church Ministers’ Hill, Kohima (CBCMHK) nung Mt. Sinai Higher Secondary Schook, Kohima (MSHSSK) puri Day of Prayer agi; MSHSSK ya Chakhesang Baptist Church Ministers’ Hill (CBCMHK)-i amenokba project ka lir.
Iba school nung azüngtsü atema 2019 küm tenüng zülüoka alir kaketshir 1200 lir aser tesayur 60 den tanga staff 10 lir.
Iba school amenokba nükjidong ya mangdang agutsütsü aser alima yimya tamajungtem nungi piladaktsütsü atema lir; iba dak alia Tsüngremer tesünep ngua kaketshairtem aser
Staff tem taküm lendong balala nungi kümzüktsü, aser school ketdangsertemi shisa tajung agutsüatettsü atema lir.
Arogo aser school managing board-i Tsüngremer atemeim atema tenüngsang agutsü aser tarutsü anogotem atema sarasadem.