NPA office ketdangpur, tasenpurtem senden amen

Kohima, March 17 (TYO): Nagaland Press Association (NPA) office ketdangpur, tasenpurtem tejak tasen shiotepba senden ka March 17, 2019 nü Hotel Japfü, Kohima nung menogo, ta tanü NPA President, H Chishi aser Joint Secretary, Alice Yhoshü nati sangdong ka nung metetdaktsü.
Office ketdangpurtemi taoba mapang K. Temjen Jamir leniba nung tejenpurtemi Nagaland nung osangbenertem tashi itshitsü atema inyakba mapatem atema pelaba lemsatep.
State nung democracy nung tongshi pezübuba kümzüka ayutsü atema NPA temzüng nung shia aliba ama ketdangpur tasenpurtemi Nagaland nung aliba media house balala nung inyaker journalists/non-working journalists (state aser tangalen) ajak dang NPA nung tenüng züluoker osangbenertem lok tashi itshidaktsütsü mepishi.
NPA nung adentsü atema office ketdangpurtem den tongteprateptsü akok.