Tuensang nung nisung 3 tsükset

Dimapur, March 17 (TYO): Deobar nikongtsütsü Tuensang jila nung gari lendong ka atalokdang nisung 3 asü aser ana yiru.
Osang angashiba agi lenmang temalen nungi gariji tsüokdang gari nung mena alir ana idakjisa tsükset. Tenaji Hanso Yimchunger (50) aser par jabaso Tokiumong (11) na ta jangjaogo.
Maneni, T Alem ta ser nisung ka yirur anepalu saka pa-a asü. Iba lendong nung yirua alirtemji Hanso Yimchunger kinungtsü Moala aser Changsomba na lir.