Taoba AASU lenniri kati AGP office okdoka merüktsü

Guwahati, March 20 (Agencies): Bodbarnü All Assam Students’ Union (AASU) lennir kati Asom Gana Parishad (AGP) nung aden aser pai tanü ashiba agi asüng pai AGP party office okdoka merüktettsü.
AASU lennir Mani Mugdha Mahanta-i tawa tu Lok Sabha elections nung rangloker AGP nung aden.
Tanü AGP lennirtemi pa pelaa agizük aser pa adenba ajanga regional party tashi itshitsü ta teimla aliba metetdaktsü.
“Asüng ni AGP office okdoka merüktettsü aser ibaji ni party atema mezüngbuba inyakba mapa asütsü” ta Mahanta-i ashi.
Pa ya AGP lennir aser state water resources minister Keshav Mahanta tenu lir.
AGP-i Lok Sabha elections atema candidate shimba osang memetetdaktsü lir saka Mahanta-i Kaliabar Lok Sabha nungi tokteptsü ta party osang ka ajanga ashi.
AGP-i BJP den yaritepa Lok Sabha elections nung tokteper aser parnoki constituency asem- Kaliabar, Barpeta aser Dhubri nungi dang tokteptsü.
Mani Mugdha Mahanta ya 1997 küm AASU nung aden aser vice president tashi inyakogo. Mahanta ya Nagaon district kübok Kaliabar nungi lir aser March 14 nü AASU nungi anen.