Mokokchung nung District level Nutrition Fortnight agi

Mokokchung, March 20 (TYO): Mokokchung district nung district level “Poshan Pakhwada” (Nutrition Fortnight) dak sendakba nung Social Welfare Department-i tanü Mopungchuket yimdak “Folk Show” ka ayongzüka agia, aser iba sentong nungji
Integrated Child Development Services (ICDS) pezü nungi Anganwadi Workers (AWW) aser Anganwadi Helpers (AWH) den departmental officers parnok ajak agi 200 shi shilem agia aden.
Nutrition Fortnight ya March 8 nungi March 22 tashi linük tesem ajaklen amonger.
Tanü agiba shilem tongtibang rongnung- Mangkolemba ICDS Project-i sobaliba yimya anung tsük asenba sayu, Ongpangkong North ICDS Project-i mozü mamshie aosotsü tsünütetba indang sobaliba ken ka aten, Changtongya ICDS Project-i konger aser repji agi lon yangluba sayua liasü aser Kobulong ICDS Project-i mapok-jang aser azü agi amzü yangluba ken ka tena liasü.
Yimyong Moapu, Mopungchuket nung agiba sentong nung Anganwadi Workers-i Poshan ken aten, Aosadang, Chairman of Mopungchuket Village Council aser Bendangkokba, District Welfare Officer, Mokokchung nati o tasütsü jembi aser Talisangla Nokdir, CDPO, Ogpangkong North-i Poshan Pakhwada ratet metetdaktsü.