CHSS-i takok tajung angu

Dimapur, Metsüremi/March 21 (TYO): Nagaland State Legal Services Authority Theme Song Competition koba Christian HSS campus Dimapur Covenant Hall nung March 19 nü kaa liasü, iba tetoktepba Christian Higher Secondary School Dimapur puri kokogo. Iba tetoktepba ya Dimapur District Legal Services Authority-i ayongzüka aka.
Sentong nung Chief Judicial Magistrate aser DDLSA, Secretary Ajongba Imchen-i “Child Rights/Right to Education” onük nung ajemdaker jembi. Tetoktepba tetendangertem rongnung Angami Christian Revival Church, Music Secretary Zasivonuo Usuo aser Community Education Centre School nungi tesayurtem densema liasü. Maneni iba sentong ya Civil Judge Kumdilong Kessen lennisüba kübok aka.
Tetoktepba nung school 7-i shilem agiogo. School tem rongnung MGM, Sarbura GHS, Lengrijan GHS, St.Stephen HSS,Diphupar GHS, Naharbari GHS aser Christian HSS densema liasü.