Manipur journalist Wangkhem shiranga anepaludar

Imphal, March 22 (Agencies): Manipur nung tepuokdak yua aliba journalist Kishorechandra Wangkhem kanga mejungi shiranger aser Jawaharlal Nehru Institute of Medical Sciences, Imphal nung anepaludar.
November 21, 2018 nü National Security Acts (NSA) kübok Wangkhem dak tai tonglokja ta 12 tepuokdak ayutsü temerenshi agütsü.
Mozü ki ketdangsertem aser police-i Wangkhem indang osang kecha memetetdaktsü saka pa kinungtsü Ranjita Elangbam-i ashiba agi pa tashimait lir.
“Pa mang nung sugar level ji 500 tema lir. Pa temang touzük ajema kümogo. Onok pa den mejembidaktsür aser pa sepai 20 shi kati anüker. Iba atema onok temulung raksar” ta Ranjita-i ashi.
“Ni Kishore atema shisabulur. Pa kidang mesüra mozü ki ka nung kanga junga anepalutsüla. Ketdangsertemi pa tajungtiba nung anepaluang ta ni mepishir” ta laisa shisem.