Kohima nung Presiding, 1st Polling officers training tenzükogo

Kohima, March 22 (TYO): Lok Sabha election ketdangsüa agitsü atema tanü Kohima College, Kohima nung Presiding Officers aser 1st Polling Officers atema training mezüngbuba shailem atenzükogo, ta ketdangsertem osang ka ajanga metetdaktsü.
Training nung election atema Master Trainers-i Presiding Officer aser 1st Polling Officer teinyaktsü shilemtem metetdaktsü. Parnok dang EVM aser VVPAT amshiyim, CCTV aser polling anogo nung voters maitsü atema documents 9 indang metetdaktsü.
Election Commission of India (ECI) telatetbatem nung ajemdaker Master Trainers-isa election junga agitsü atema pei nem lemzüktsüba polling station nung teinyaktsü mapatem aser telatetbatem metetdaktsü.
2nd aser 3rd Polling Officers atema training mezüngbuba round ji asüng March 23, 2019 nü kasa tesem nung anepdang 10:30 ako nungi tenzüktsü.