Dimapur Police-i nisung tepseter ka apu

Dimapur, March 22 (TYO): March 22, 2019 nü Thahekhu village, Dimapur nung nung school ka anasa tasümang ka anguba sülen Dimapur Police-i iba dak sendakba nung nisung ka puogo.
Tasüsangji aonsotsü shishilembar Bharad Prasad liasü aser pa tepsetba atema police-i Anand Rai (33 yrs) puogo. Pa ya Lomithi colony nung telidak lir aser Ram Naresh Rai’er jabaso ta jangjaogo.
Lomithi colony nung tena obang meputep adoka raratepba sülen pai Bharad Prasad tepset aser Thahekhu village, Dimapur nung mangji toktsü ta Anand Rai-i nangzükogo.
Anand-i Bharad indang mang bener aoba gari (B/Regd No. AS11H-5781) dena police-i pua lir aser iba dak sendakba nung SBN PS Dimapur nung ken o ka benokogo.