Osteoporosis timtem indang semninar ka ayonga agiogo

Dimapur, March 25 (TYO): Indian Association of Physiotherapist Nagaland State Branch-i Dimapur District IAP Women Cell den ayongteper nüburtem atema March 23, 2019 nü Nikos Hospital & Research Center, Dimapur nung Osteoporosis timtem indang seminar ka katsüogo, ta tanü IAP Nagaland State Branch-i sangdong ka nung metetdaktsü.
Iba seminar nung shisalen sayurji Dr. Inato Achumi MPT (musculoskeletal), State Joint Secretary, IAP Nagaland State Branch liasü.
Iba seminar nung Achumi-i asen temang nung teret inyakyim indang tongmelang agi metetdakja liasü.
Paisa teret physiology, osteoporotic (teret tashimeiti akümba) timtem aser iba timtem putetba inyakyim lemsatep.
Shisalen sayurisa, iba timtem ya physiotherapy ajanga nokdangtettsü aser treatment junga agiba ajanga taneptsü ngua teret tashi itshitsü, ta metetdaktsü.