Nagaland CEO-i mobile service providers den senden amen

Dimapur, March 25 (TYO): March 25, 2019 nü Nagaland Chief Electoral Officer Abhijit Sinha, IAS-i mobile service providers ajak den senden ka amen.
Senden nung CEO Abhijit Sinha-i mobile service providers dang state ajungalen connectivity tajungba agütsütsü merangang ta ashi.
April 10, 2019 nungi tenzüker election agiba mapang network ajak jungjunga ayutsüla, ta paisa shisem.
Polling stations 450 nung webcasting aser offline videography agitsü anungji webcasting atema connectivity khuret kecha malitsüla, ta Abhijit-isa shisem.
Iba mapang service providers ajaki connectivity tajungba kümdaktsütsü aser timtem magütsütsü ta nangzük.