Angh-i achaayanga sobaliba sentong ka akatsü

Dimapur, Metsüremi/March 26 (TYO): Nagaland Angh PB Acharya-i achaayanga alima nung sobaliba sentong tulutiba rongnung ka; SOORYA, St Josephs College, Jakhama aser Durbar Hall, Raj Bhavan Kohima nung March 27, 2019 nü aser March 28, 2019 nü 3 Assam Rifles Auditorium Kohima nung akatsü.
Nüngtugu India nunger tsüngsang research scholar, educator, performer aser choreographer, Dr Methil Devika-i ‘Mohiniyattam’ aitsü aser tsüngsanger Kumari Reddy Lakshmi-i ‘Kuchipudi’ aitsü. Iba India nunger classical tsüngsang anaprongla ya Raj Bhavan nung aitsü. Maneni Nagaland, Assam aser Manipur nungi artist temia sobaliba kenten aser tsüngsang balala aitsü.
Raj Bhavan nung agitsü aliba sentong ya Department of Art & Culture, Government of Nagaland, NEZCC, Rattle and Hum Music Society aser Indian National Fellowship, Mumbai-i achaayanga agitsü, ta Governor PRO sangdong ka ajanga metetdaktsü.