Phek DC-i Sangdonger

Dimapur, Metsüremi/March 27 (TYO): Phek Deputy Commissioner & District Election Officer-i sangdong ka ajanga Phek kübok aliba gari kwika Lok Sabha General Election 2019 Election Duty atema mekazükogo, item gari kiburtem dang Deputy Commissioner & District Election Officer, Phek mesera Additional Deputy Commissioner/Sub-Divisional Officer (Civil) office nungi March 29 nü tashi nungbosa office mapang Election Duty Certificate (EDC) Form agizüktsü asoshi metetdaktsüogo.
Anungji EDC meshir gari anirtemi vehicle requisition order photocopy ka den noksa dena EPIC mesera service Identity Card bener arutsü metetdaktsür, ta ketdangser sangdong ka ajanga metetdaktsü.