ULFA-I telungpur 2 temai adok

Guwahati, March 31 (Agencies): Taküm February ita Myanmar Army-i telungpurtem anema mapa inyakba sülen United Liberation Front of Assam (ULFA-I) züngsemtem temai adoker.
Deobarnü ULFA-I züngsem ana temai adok. Tinsukia district kübok Pengeri nung tenati prangpong-injangtem bener sepaitem tsüngdang temai adok.
Tenaji arishi küm 23 tain Punakon Chetia (Rojoni Asom) aser Jintu Sonowal (Tutul Asom) na lir ta jangjaogo.
Chetia-i 2015 küm aser Sonowal-i 2016 küm ULFA(I) nung aden. Tenati prangpong-injangtem bener arua agütsü.
Tena ket nungi AK-47 rounds 28, M-16 rounds 90, 9 mm pistol ka, 9 mm indang rounds 11 aser hand grenade ka ngutet.
Myanmar Army-i telungpurtem anema mapa inyakba ajanga Northeast nungi telungpurtemi ajener.
Telungpur teloktem rongnung NDFB, ULFA-I aser NSCN (K) dena lir.
Myanmar sepaitem den khatepdang telungpur 20 dak tema khasetba osang angazüker.