Gilead Nursing Home tesem melenshir

Dimapur, Metsüremi/March 31 (TYO): Gilead Nursing Home ya Dimapur kübok Khermahal kiyong nung 1992 küm tenzük, aser iba mapang nung iba home ya health care clinics rongnung mezüngpur liasü. Iba clinic ya Fellowship Colony, Dimapur-i February 15, 2019 nü belener ogo.
Gilead Nursing Home, MD Arenla Apong Chang-i sangdong ka ajanga, iba Nursing Home nung operation theatre den laparoscopic surgery, gynae & obstetrics deptt. on call specialists, laboratory, X-ray aser pharmacy den hopta tepeyong ghonda 24 doctor aser nurse tem mapa nung alir, ta metetdaktsüogo.
Dimapur kübok tanga mozüki aser clinic tem den medendangra Gilead Nursing Home nung temang anepaluba taa kanga agi tajemba agir, aser kasa mapang nung mapang tajungtiba agütsür, ta laisa ashi.