AR-i Kohima nung temesepba mozü apu

Dimapur, Rongchii/April 1 (TYO): KPI, Manipur nungi Kohima-i ozüng alema benshiba temesepba mozü shibelenba osang tejangja ka angazükba sülen, HQ IGAR (North) kübok Assam Rifles Kohima Battalion puri Phesama check gate anasa MVCP ka March 29 nung amenok. Iba tesem nung gari aser nisungtem bushisüngdangba mapang Sirhima yimtsüng nungi Tonghen Khongsai’er jabaso Lenpingan Khongsai ket nungi herion talep 20 bener lia apu. Temesepba mozü talep shia ya touzük gram 15 shi liasü, aija alisang yagi Bolero pickup (No NL-07A 8291) gari ka nung ibaji bena liasü.
Ken o ashishitepba mapang Lenpingan Khongsai-i ashiba agi, iba temesepba mozü ya New Minister Hill, Kohima nung alir Mrs Kholi nem agütsütsü bener oya liasü. Aija alisang den pa ket nungi apuba mozü ya South Police Station nung March 29 nü bendanga agütsüogo.